VCSV
**Ontdek God saam met VCSV!**
Sluit elke Donderdag tydens pouse by ons aan in die skool se kerkie vir ‘n opwindende geleentheid om die Here beter te leer ken. Ons is ‘n gemeenskap van gelowiges van Corpus Christi, Lighuis en Kruisgenerasie wat saamkom om diep te duik in ons geloof en ‘n verbintenis te vorm wat ons dalk vir die res van ons lewens sal dra.
Ons leerders word elke week bedien deur ‘n span van toegewyde leiers van ons geloofsgemeenskappe. Dit is ‘n tyd van vreugdevolle samekoms waar ons nie net lag en gesels nie, maar ook meer leer oor God en die Bybel, en waar vriendskappe gevorm word wat ‘n leeftyd kan hou.
Ons beplan om kwartaalliks ‘n onvergeetlike praise & worship aand aan te bied, waar ons die liefde vir God deur musiek en aanbidding vier. As ‘n ekstra bonus, begin ons binnekort weer met ons jeugaande, spesifiek vir leerders wat nie die geleentheid het om by “Inside Out” te wees nie. Hierdie keer bring ons Inside Out na hulle toe!
Die VCSV staan oop vir elke leerder van elke graad. Kom saam ontdek wat dit beteken om ‘n passie vir God en ‘n gemeenskap van gelowiges te hê. Kom en wees deel van ons reis na ‘n dieper begrip van ons geloof en ‘n ryker lewe in Christus.