AKADEMIE

HTS Middelburg streef na akademiese uitnemendheid wat vir ons ononderhandelbaar is! Ons hoogs gekwalifiseerde, opgeleide, toegewyde personeelkorps is op die akademiese voorpunt in die provinsie en betrokke by vraestelaangeleenthede en studiekomitees op provinsiale én nasionale vlak.

Ons is veral trots op die feit dat HTS Middelburg dié sentrum in Middelburg huisves vir Gevorderde Program Wiskunde (“AdMaths”), waar Wiskunde-slimkoppe dié vak kan neem ter voorbereiding vir universiteit.

Ons is ook die skool in Mpumalanga met die meeste matrikulante wat Wiskunde en Fisiese Wetenskappe neem én slaag!

By HTS Middelburg kan leerders inskryf vir enige studierigting by enige tersiêre instelling. Ekstra klasse, sowel as Winter- en Lenteskool vir matrikulante, word met groot sukses aangebied. Ons is trots op elke Rooie wat volhard en hul volle akademiese potensiaal bereik!

Opvoeding skep geleenthede vir elke leerder. Akademiese uitnemendheid bly ons fokus en hoogste prioriteit by HTS Middelburg!