HTS Middelburg se 205 matrikulante van 2019 spog met ʼn 100%-slaagsyfer – ʼn onteenseglike

bewys dat die ROOIES verseker nie nét ʼn ‘sportskool’ is nie, maar ook koning kraai op

akademiese gebied!

Die ROOIES se 2018-matriekuitslae is die beste in Nkangala en word, kort op die hakke van

Hoërskool Nelspruit, as naaswenners in Mpumalanga aangewys! Die top 5-skole in

Mpumalanga, na aanleiding van die matriekuitslae, is soos volg: Hoërskool Nelspruit, HTS

Middelburg, Hoërskool Lydenburg, Hoërskool Middelburg en HTS Ligbron.

Met ʼn allemintige 222 onderskeidings is dit geen verrassing dat daar vyf ROOIES in die Steve

Tshwete Munisipaliteit se top 10 pryk nie. Laurike Erasmus, Gerdré van Niekerk, Zané

Grobler, Anneri du Preez en Carla Swart het Donderdagoggend, 10 Januarie 2019, ‘n

spoggerige ontbyt saam met die burgemeester, mnr. Tsietsi Tolo, by Phetshile Guest House

geniet!

Die volgende vakke behaal in die besonder goeie uitslae:

– Rekeningkunde: 7 onderskeidings met ‘n gemiddeld van 70,2%

– Wiskunde: 6 onderskeidings van 103 leerders met ʼn gemiddeld van 55,8%

– Afrikaans Huistaal: 15 onderskeidings met ‘n gemiddeld van 60,2%

– Engels Eerste Addisionele Taal: 28 onderskeidings met ‘n gemiddeld van 67,1%

– Fisiese Wetenskap: 11 onderskeidings van 82 leerders met ‘n gemiddeld van 67,1%

– Lewenswetenskap: 14 onderskeidings van 72 leerders met ‘n gemiddeld van 61,1%

– Visuele Kuns: 2 onderskeidings met ‘n gemiddeld van 67,3%

– Inligtingstegnologie: 1 onderskeiding met ‘n gemiddeld van 68,5%

– Konstruksie: 1 onderskeiding met ‘n gemiddeld van 67,5%

– Pas en Masjinering: 2 onderskeidings met ‘n gemiddeld van 63,8%

– Gasvryheidstudie: 1 onderskeiding met ‘n gemiddeld van 59,6%

Die ROOIES se top 5-presteerders:

  1. Laurike Erasmus – 91,1%
  2. Gerdré van Niekerk – 86,7%
  3. Zané Grobler – 86,4%
  4. Anneri du Preez – 86,1%
  5. Carla Swart – 86,1%

Elmarie Borcherds behaal ‘n skitterende 8 onderskeidings! Die volgende Rooies spog elk met

7 onderskeidings:

Die volgende Rooies spog elk met 7 onderskeidings:

 Anneri du Preez

 Laurike Erasmus

 Carla Swart

 Gerdré v Niekerk

 Zané Grobler

Rooies wat elk 6 onderskeidings behaal het:

 Annemie Kaplan

 Juané Moolman

 Marth-Marie Nel

 Anri Pienaar

 Johané vd Walt

Die volgende matrieks glimlag breed oor hul 5 onderskeidings:

 Riaan Augostine

 Helmo du Preez

 Annemike Bronkhorst

HTS Middelburg wens graag al die 2018-matrikulante hartlik geluk met hul 100%-slaagsyfer.

Dit is voorwaar ʼn pluimpie in die hoed vir elke Rooies-onnie wat reeds vanaf graad 8 ʼn stewige

fondasie vir hierdie matrieks gelê het. Mag die merkwaardige uitslae elke Rooie, van Gr.8-12,

aanmoedig om skouer aan die wiel te sit om ook eendag met sulke skitterende uitslae te kan

spog!