Toelatingsaansoek

Korrespondensie geskied slegs via e-posse en ʼn sms-stelsel.  Die korrekte e-posadres en selfoonnommer is uiters belangrik!.   Graad 9-12 Aansoeke is onderhewig aan ‘n onderhoud met die hoof/adjunkhoof.  Kontak 013-2826029 om ‘n afspraak te maak.

E-pos navrae na bemarking@htsmiddelburg.co.za

Laai die aansoekvorm hier af …

Voltooi volledig in drukskrif asb.  U is welkom om die inligting in te tik, die dokument te stoor en uit te druk.  Doen asb. alle handtekeninge en parafering per hand. 

Handig asb. by ontvangskantoor in per hand.

Liewe Gr.7s en Gr.7-Ouers

Die hoof van HTS Middelburg, mnr. Hoppie van Jaarsveldt, wil graag elkeen van die voornemende Gr.8’s persoonlik ontmoet!  Ons versoek graag alle belangstellendes om so gou as moontlik me. Céleste Grobler by 082 338 3932 te skakel vir hierdie spesiale afspraak.

Rooies se jaarlikse opedag en inligtingsessie vind op Woensdag, 17 April 2019, plaasDie opedag en inligtingsessie is nie verbonde aan die bogenoemde afsprake met die hoof nie.

HTS Middelburg sal die Gr.7’s wat die opedag wil bywoon, soos in die verlede, net na skool by hul onderskeie laerskole oplaai. Belangstellende Gr.7’s kan by hul voogonderwyser ‘ʼn aanduiding gee dat hul graag die opedag wil meemaak.  Die Gr.7’s trek hul skool se ‘Vrydagdrag’/gemaksdrag aan en kan hul tasse veilig by HTS Middelburg bêre.  Elkeen word bederf met ‘ʼn ligte middag- én aandete.  Die dagprogram duur tot net na aandete waarna hulle by hul ouers in die ouditorium aansluit vir ‘ʼn spesiale afsluiting.

Die inligtingsessie vir die ouers vind na afloop van die opedag om 18:00 in HTS Middelburg se ouditorium plaas.  Belangrike inligting oor o.a. vakkeuses, sport- en kultuuraktiwiteite word tydens hierdie geleentheid deurgegee.  Ouers en leerders kan na afloop van die amptelike verrigtinge met onderwysers en afrigters by die onderskeie stalletjies en koshuise gesels. Inskrywingsvorms is reeds op die skool se webwerf, www.htsmiddelburg.co.za, beskikbaar.

Rooies se personeel en leerders sal gereed staan om elke jong besoeker te verwelkom en die geleentheid te gee om op ‘ʼn prettige en interessante manier meer van die Rooies-lewe te wete te kom.  Moet dus nie hierdie dag misloop nie!